Dod yn Gwyddonydd Gofal Iechyd

Diwrnodau Agored Israddedig

Cofrestrwch Nawr

Beth yw gwyddonydd gofal iechyd?

Mae gwyddonwyr gofal iechyd yn gweithio i ddiagnosio, monitro, atal, rheoli a thrin salwch a chyflyrau gan ddefnyddio dealltwriaeth o’r gwyddorau dynol, gan gynnwys bioleg, cemeg a ffiseg. Maent yn defnyddio eu harbenigedd i wella gofal cleifion ac achub bywydau, neu i helpu pobl i fyw'n annibynnol drwy adsefydlu, naill ai fel cyswllt uniongyrchol i gleifion neu mewn rôl gefnogol.

CYFRES NEWYDDION CYFOES

Archebwch le ar ein Gweminar Newyddion Cyfredol isod i gael rhagflas o'n cwrs, darganfod yr ymchwil diweddaraf yn Abertawe a chael atebion i'ch cwestiynau.

cgi picture of the human brain lighting up

ANATOMEG STRÔC

Achosir strôc gan rywbeth sy’n rhwystro’r cyflenwad gwaed i ran o’r ymennydd. Yn aml, mae clotiau yn pasio i’r ymennydd o’r galon a rhydwelïau mawr, ond sut maen nhw’n cyrraedd yna, ble maen nhw’n mynd, a pham mae hyn yn achosi’r symptomau rydyn ni’n eu gweld.

Cofrestrwch yma

Meddygaeth (Anatomeg)

02/02/2023

18:00 - 19:00 GMT

Bydd y digwyddiad yn fyw

Ymuno â'r digwyddiad byw nawr

Ymddiheuriadau, ond mae'r digwyddiad hwn wedi gorffen

Beth mae gwyddonwyr gofal iechyd yn ei wneud?

Mae Clywedegwyr yn nodi ac yn asesu gallu clywed a swyddogaeth gydbwyso gan ddefnyddio'r offer diagnostig a’r cymwysiadau meddalwedd diweddaraf, gan weithio gyda chleifion o bob oedran i fod yn rhan o dîm, a chan argymell a darparu adsefydlu a rheoli therapiwtig.

Mae Ffisiolegwyr Cardiaidd yn diagnosio ac yn trin cleifion sydd â chlefyd y galon neu glefyd cardiofasgwlaidd. Maent yn cynnal profion ECG, yn mesur pwysedd gwaed, yn cynnal profion gogwyddo bwrdd, ymarferion profi goddefgarwch wrth wneud ymarfer corff ac ecocardiogramau. Maent yn helpu gyda gwaith cathetreiddio cardiaidd fel rhan o dîm amlddisgyblaethol sy'n cyflawni angiogramau ac ymyriadau megis gosod stentiau. Maent hefyd yn rhan o dîm amlddisgyblaethol sy'n gosod dyfeisiau rhaglen i drin annormaleddau mewn rhythm y galon, fel rheoliaduron y galon.
Mae gan Beirianwyr Meddygol rôl ymarferol mewn diogelwch cleifion ac maent yn gweithio ym maes cyflwyno, profi, cynnal a chadw, atgyweirio a dadgomisiynu Offer a Dyfeisiau Electro-Meddygol. Caiff y dyfeisiau hyn eu defnyddio ar gyfer pob math o driniaeth i gleifion, o anaesthesia mewn theatrau llawfeddygol i gymorth cynnal bywyd a monitro mewn unedau gofal hanfodol i fonitro a diagnosteg cyffredinol ym mhob math o leoliadau cleifion cyffredinol.
Mae niwroffisiolegwyr yn archwilio gweithrediad y system nerfol a'r cyflyrau sy'n effeithio arni, megis cael strôc, epilepsi, sglerosis ymledol, dementia a chamweithredu'r nerfau a'r cyhyrau, gan gynnal ymchwiliadau mewn amgylcheddau neu adrannau pwrpasol, megis lleoliadau gofal dwys a theatrau llawdriniaeth, gan weithio gyda chleifion o bob oedran
Mae Technolegwyr Meddygaeth Niwclear yn defnyddio isotopau a ffurfiau amrywiol o ddulliau fferyllol ymbelydrol i ddiagnosio a thrin llawer o glefydau, gan gynnwys gwahanol fathau o ganser, clefyd y galon ac anhwylderau gastroberfeddol, endocrin a niwrolegol.
Mae dosimedryddion Ffiseg Radiotherapi yn cynllunio triniaethau radiotherapi cleifion gan ddefnyddio cysyniadau a methodolegau uwch. Gall dosimedryddion hefyd weithio i gynhyrchu dyfeisiau atal symud yn ystod radiotherapi, cyflawni gwaith rheoli ansawdd ar y cyfarpar a ddefnyddir i gyflawni radiotherapi, neu weithio mewn bracitherapi.
Mae Peirianwyr Adsefydlu yn adeiladu ac yn profi amrywiaeth o dechnolegau cynorthwyol safonol ac a deilwrwyd, gan gynnwys cadeiriau olwyn, aelodau artiffisial, cymhorthion robotig a seddi arbenigol. Maent yn defnyddio systemau mapio, onglfesuryddion, mesuryddion goleddf, rheolwyr ffyn rheoli a rhaglenwyr ac maent yn gweithio gyda dyfeisiau prosthetig.
Mae Ffisiolegwyr Anadlu a Chysgu yn diagnosio ac yn trin pobl â chlefydau anadlu ac anhwylderau anadlu sy'n gysylltiedig â chysgu, megis asthma a ffibrosis cystig. Maent yn cyfrannu at asesu ffitrwydd cleifion i gael llawdriniaeth a thriniaethau eraill, ac maent yn gweld cleifion o arbenigeddau eraill megis cardioleg, llawdriniaeth ac oncoleg.

Sut gallaf fod yn wyddonydd gofal iechyd?

Gallwch fod yn wyddonydd gofal iechyd drwy astudio Rhaglen Hyfforddiant Ymarferwyr y GIG (PTP) i israddedigion yma ym Mhrifysgol Abertawe. Mae ein graddau PTP yn rhaglenni amser llawn, 3 blynedd o hyd sy'n arwain at radd a gymeradwywyd ac sy'n achrededig yn y gwyddorau cardiofasgwlaidd neu anadlol a chysgu, clywedeg neu niwroffisioleg, ffiseg radiotherapi neu feddygaeth niwclear, neu beirianneg feddygol neu beirianneg adsefydlu.

Ein Straeon myfyrwyr

Harriet Wesson

"...mae'r cwrs hwn yn caniatáu i mi ymchwilio i fyd yr ymennydd a'r system nerfol wrth gyfathrebu'n weithredol â chleifion. Fe wnaeth profiad gwaith fy helpu i gyfuno darlithoedd â phrofiad clinigol bywyd go iawn tra mewn amgylchedd diogel a chymwynasgar. Roeddwn i’n gallu teithio Cymru am ddim drwy weithio’n galed yn ystod yr wythnos ac archwilio pob ardal newydd ar y penwythnosau."

Darganfod mwy am stori myfyriwr Harriet Wesson

Beth sy'n Gwneud y Gwyddorau Gofal Iechyd yn Abertawe yn Unigryw?

Rydym yn y 10 uchaf yn y DU am Anatomeg a Ffisioleg (Guardian 2023) ac mae ein cyrsiau wedi’u hachredu’n llawn gan gyrff diwydiant proffesiynol. Mae ein cyfleusterau rhagorol yn darparu efelychiadau realistig o’r gweithle ac mae llawer o’n staff academaidd yn y Gwyddorau Iechyd yn glinigwyr wrth eu gwaith, gan ddarparu mewnwelediad ac arbenigedd proffesiynol amhrisiadwy.

Rydym yn hyfforddi ar draws amrywiaeth o rolau clinigol cysylltiedig, sy'n rhoi mynediad i chi at gyfoeth o brofiad clinigol gan ein staff addysgu lle bydd ein hymrwymiad i addysgu sy'n seiliedig ar dystiolaeth yn eich rhoi ar flaen y gad yn eich dewis o ddisgyblaeth gwyddorau gofal iechyd ac yn eich paratoi i wneud gwahaniaeth fel rhan o dîm clinigol.

Pa mor hir mae'n cymryd i fod yn wyddonydd gofal iechyd?

Mae rhaglenni’r Rhaglen Hyfforddiant Ymarferwyr ym Mhrifysgol Abertawe yn rhai amser llawn ac maent yn cymryd tair blynedd i'w cwblhau. Mae'r rhaglenni'n cyfuno dysgu ac addysgu damcaniaethol, ymarferol ac efelychol gyda thua 50 wythnos o hyfforddiant yn y gweithle yn y GIG. Yn y flwyddyn gyntaf, mae'r hyfforddiant yn eang ac yn yr ail flwyddyn a'r drydedd flwyddyn, byddwch chi'n arbenigo yn y meysydd sydd o ddiddordeb i chi.

Beth yw gradd gwyddor gofal iechyd?

Nod y Rhaglenni Hyfforddiant Ymarferwyr yw darparu graddau israddedig sy'n: seiliedig ar wyddoniaeth, yn datblygu sgiliau sy'n canolbwyntio ar gleifion a gwybodaeth mewn maes gwyddor gofal iechyd; ac yn galluogi dysgwyr i gyflawni swyddogaeth Ymarferydd Gwyddor Gofal Iechyd.

Pa bynciau mae eu hangen i wneud gwyddor gofal iechyd?

Mae gofynion mynediad ar ein cyrsiau gwyddor gofal iechyd ar gael ar ein tudalennau cyrsiau gwyddor gofal iechyd ac mae'n dibynnu ar yr arbenigedd sydd o ddiddordeb i chi oherwydd gyda chyfuniad o bynciau, mae angen i ni sicrhau y byddwch chi'n llwyddiannus wrth astudio gyda ni.

Mae gofynion mynediad pob cwrs ar gael yma:

Beth gallaf ei wneud gyda gradd mewn gwyddor gofal iechyd?

Pan fyddwch chi wedi graddio o'r rhaglen, byddwch chi'n Ymarferydd Gwyddor Gofal Iechyd cymwys a byddwch yn gymwys i gyflwyno cais am gofrestriad proffesiynol:

Bydd graddedigion yn gymwys i gyflwyno cais am Gofrestriad Gwirfoddol Achrededig yr Awdurdod Safonau Proffesiynol (PSA) drwy'r Academi Gwyddor Gofal Iechyd (AHCS), yn ogystal â'r Cyngor Cofrestru i Ffisiolegwyr Clinigol (RCCP), neu Gofrestr y Technolegwyr Clinigol (RCT)

Drwy gwblhau gradd gwyddor gofal iechyd achrededig, byddwch chi wedi profi bod gennych chi'r wybodaeth, y sgiliau a’r ymddygiadau mewn technegau gwyddonol cymhwysol mewn disgyblaeth neu ddisgyblaethau cysylltiedig, i weithio mewn amrywiaeth o leoliadau gofal iechyd fel Ymarferydd Gwyddor Gofal Iechyd. Bydd gennych chi rôl wedi'i diffinio'n glir mewn cynnal ymchwiliadau ac ymyriadau i gleifion ac adrodd technegol o ran profion sicrhau ansawdd ar gleifion, samplau cleifion ac offer meddygol. Mewn sawl disgyblaeth, mae Ymarferwyr Gwyddor Gofal Iechyd yn cynnig ymyriadau therapiwtig, y mae rhai ohonynt yn rhai arbenigol.

Mae rhagor o wybodaeth am y Rhaglen Hyfforddiant Ymarferwyr gan yr Ysgol Gwyddor Gofal Iechyd Genedlaethol ar gael yma.

Graddau a Gyllidir yn Llawn

Gallai dewis i ddilyn eich brwdfrydedd am ofal iechyd dalu ar ei ganfed. Mae hamrywiaeth hwn o raddau wedi'u hariannu'n llawn drwy Gynllun Bwrsariaeth GIG Cymru.

Golyga hyn os byddwch chi'n ymrwymo i weithio i GIG Cymru am gyfnod ar ôl i chi raddio, bydd eich ffioedd addysgu yn cael eu talu'n llawn gan Fwrsariaeth GIG Cymru, yn ogystal â chyllid cynhaliaeth gwerth hyd at £4,491 a benthyciad ar gyfradd ostyngedig gan Gyllid Myfyrwyr.

Rhagor o wybodaeth am Gynllun Bwrsariaeth GIG Cymru

Archwiliwch ein Graddau a ariennir gan y GIG

Cadwch le ar Ddiwrnod Agored

Ein Graddau Gwyddorau Gofal Iechyd

Clywedeg

Bydd ein gradd Clywedeg yn rhoi dealltwriaeth lawn a chyfannol i chi ar sut i asesu gallu clywedol a swyddogaethau cydbwysedd gan ddefnyddio'r offer diagnostig a’r cymwysiadau meddalwedd diweddaraf. Drwy gydol eich cwrs, byddwch yn arsylwi ar glinigau yn ein Hacademi Iechyd a Lles bwrpasol, yn cael profiad mewn lleoliadau masnachol ac yn magu sgiliau a hyder mewn lleoliadau gwaith clinigol mewn ysbytai.

Tudalen y cwrs: Gwyddor Gofal Iechyd (Clywedeg), BSc (Anrhydedd)

Wrth astudio Clywedeg, byddwch yn gallu dewis derbyn cyllid o Gynllun Bwrsariaeth GIG Cymru, ac felly yn ymrwymo i weithio i GIG Cymru am nifer benodol o flynyddoedd, neu drwy Fenthyciadau a Grantiau Myfyrwyr.

Ffisioleg Gardiaidd Peirianneg Feddygol Meddygaeth Niwclear Niwroffisioleg Ffiseg Radiotherapi Ffiseg Ymbelydredd Ffisioleg Anadlu a Chysgu Peirianneg Adsefydlu

Am Ddarganfod Mwy am Abertawe

Ydych chi’n cael eich ysbrydoli i hyfforddi ar gyfer gyrfa yn y GIG? Treuliwch yr amser i archwilio ein campws o gysur eich cartref eich hun gan ddefnyddio ein rhith-daith, siaradwch â rhai o'n myfyrwyr cyfredol am sut brofiad yw astudio yn Abertawe a sicrhewch eich bod chi'n cofrestru ar gyfer ein Diwrnod Agored nesaf lle gallwch, yn bersonol, brofi Abertawe, ein cymuned a'n cyrsiau.

Cadwch le nawr ar gyfer Diwrnod Agored

Taith Rithwir