Ymarfer y Gyfraith Proffesiynol, LLM

Bydd y rhaglen yn darparu 180 o gredydau dros un flwyddyn (amser llawn) neu ddwy flynedd (rhan-amser), wedi'i haddysgu mewn dau gam. Darperir yr wybodaeth graidd sy'n ofynnol ar gyfer SQE1 yn ystod cam 1, a datblygir y sgiliau ymarferol sy'n ofynnol ar gyfer SQE2 yn ystod cam 2 yng nghyd-destun y meysydd ymarfer craidd.

Bydd rhywfaint o ddysgu annibynnol dan gyfarwyddyd (40 o gredydau), y byddwch yn ymgymryd ag ef yn ystod cam 2 ochr yn ochr â'ch sesiynau sgiliau a addysgir. Mae'r prosiect dysgu annibynnol hwn yn ddilys i'r proffesiwn cyfreithiol, gan ganolbwyntio ar ymgymryd ag ymchwil gyfreithiol ymarferol a pharatoi adroddiadau cysylltiedig ar gyfer cynulleidfaoedd targed arbenigol ac anarbenigol.

Bydd holl fodiwlau'r rhaglen yn orfodol. Ni fydd angen pasio modiwlau'r flwyddyn gyntaf er mwyn symud ymlaen i ail flwyddyn y cwrs rhan-amser. Bydd cyfleoedd i ailsefyll pob modiwl.

Ein gofyniad mynediad safonol yw gradd israddedig 2:2 yn y gyfraith neu gwblhau Diploma yn y Gyfraith i Raddedigion (neu gwrs trosi ôl-raddedig cyfatebol arall ar gyfer graddedigion heb radd yn y gyfraith) yn llwyddiannus, ond asesir pob ymgeisydd ar sail unigol.

Rydym yn hapus i ystyried ymgeiswyr nad ydynt wedi cael addysg ers peth amser, sydd wedi cael profiad proffesiynol cyfatebol, neu debyg.

Gofynion iaith Saesneg – sgôr IELTS o 6.5, gydag o leiaf 6.0 ym mhob elfen neu brawf Saesneg cymeradwy cyfatebol.

Rydym yn cynnig amrywiaeth o raglenni hyfforddiant cyn-sesiynol i fyfyrwyr sy’n methu’r gofyniad iaith Saesneg yn unig, a gallwch ymgymryd â'r rhain cyn dechrau eich rhaglen radd.

Rydym yn croesawu ceisiadau gan fyfyrwyr o bob cwr o'r byd ac yn gofyn am dystiolaeth o astudiaethau blaenorol sy'n cyfateb i'r gofynion mynediad.

Fe'ch addysgir mewn grwpiau mawr a grwpiau bach. Addysgir sesiynau grwpiau mawr i'r garfan gyfan. Mae'r sesiynau grŵp bach yn weithdai ymarferol sydd â'r nod o efelychu gwaith cyfreithiwr dan hyfforddiant. Mae'r rhain yn seiliedig i raddau helaeth ar dasgau grŵp sy'n ymwneud â chyfarwyddiadau gan gleient neu uwch-aelod o'r tîm cyfreithiol, gan arwain at ddadansoddi ar sail achos a mater, rhoi'r gyfraith ar waith er mwyn helpu i gyflawni nodau'r cleient, a magu sgiliau ymarfer hanfodol.

Efallai y bydd gofyn i chi baratoi llythyr o gyngor i gleient, nodyn mewnol i'r partner sy'n eu goruchwylio, cyflwyno dadleuon ar lafar, neu ddrafftio dogfennau cyfreithiol o ganlyniad i'r gwaith a wnaed yn y gweithdy. Bydd y gweithdai hyn yn helpu i fagu eich hyder a'ch sgiliau cyfreithiol mewn amgylchedd cyfeillgar, proffesiynol a boddhaus.

Lluniwyd yr asesiadau i'ch helpu i ddatblygu eich sgiliau cyfathrebu ysgrifenedig a llafar, eich gallu i ymchwilio i'r gyfraith, a'r ffordd rydych yn rhoi'r gyfraith ar waith yn ymarferol mewn cyd-destun perthnasol.

Byddwch yn ymgymryd ag amrywiaeth o asesiadau ym mhob rhan o'r rhaglen sydd wedi cael eu llunio i brofi gwybodaeth, ymarfer a sgiliau mewn ffyrdd dilys. Dyma rai enghreifftiau:

• Arholiadau ysgrifenedig a welir
• Arholiadau nas gwelir
• Arholiadau llyfr agored
• Arholiadau â chwestiynau amlddewis
• Asesiadau atebion byr
• Aseiniadau gartref
• Ysgrifennu llythyr o gyngor
• Ysgrifennu memorandwm
• Dadansoddi achos
• Drafftio dogfennau llys
• Eiriolaeth fyw
• Cynnal cyfweliad â chleient

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Mentor Academaidd Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Addysgir ein graddau gan arbenigwyr y diwydiant, a fydd yn rhannu â chi eu gwybodaeth helaeth sy'n seiliedig ar eu profiadau o'r byd go iawn.

Mae rhagor o wybodaeth am ein harbenigedd academaidd ar ein tudalennau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Cyflogadwyedd yn Ysgol y Gyfraith Hillary Rodham Clinton

Mae gan Ysgol y Gyfraith Hillary Rodham Clinton raglen cyflogadwyedd fywiog sy'n canolbwyntio ar sefydlu cysylltiadau rhwng ein myfyrwyr a'r proffesiynau cyfreithiol ac wrth ddatblygu eich cyflogadwyedd a'ch sgiliau trosglwyddadwy.

Rydym yn cynnal digwyddiadau rhwydweithio, yn gwahodd amrywiaeth o siaradwyr, yn trefnu lleoliadau gwaith ac interniaethau, yn cynorthwyo gydag ysgrifennu CV a ffurflenni cais, a gallwn eich helpu i baratoi ar gyfer cyfweliadau. Rydym hefyd yn cyflwyno rhaglen o sgyrsiau drwy gydol y flwyddyn sydd â'r nod o'ch ysgogi i feddwl am ddatblygu eich proffil cyn gynted ag y bo modd.

Hefyd, mae gan y Gyfadran Dîm Cyflogadwyedd ymroddedig, a fydd yn rhoi cymorth i chi o'r adeg y byddwch yn ymuno â Phrifysgol Abertawe. Mae'r tîm wrth law i helpu gyda nifer o gyfleoedd, o Brofiad Gwaith, Blwyddyn mewn Diwydiant, Rolau i Raddedigion a mwy.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Cymdeithasau Myfyrwyr

Cewch gwrdd â'ch cyd-fyfyrwyr ac achub ar amrywiaeth o gyfleoedd cymdeithasol drwy ymaelodi â chymdeithasau sy'n berthnasol i'ch astudiaethau ar y rhaglen hon, megis Cymdeithas y Gyfraith Prifysgol Abertawe. Arweinir ein cymdeithasau gan fyfyrwyr er lles myfyrwyr. Dyma restr lawn o'r cymdeithasau.

Manylion cyswllt

Ymholiadau Cyffredinol:
Ffôn: +44 (0)1792 295111
E-bost: study@abertawe.ac.uk

Ymholiadau o'r UE/Rhyngwladol:
Ffôn: +44 (0)1792 295358
E-bost: international@abertawe.ac.uk