Y broses gwneud cais ar gyfer rhaglenni ôl-raddedig a addysgir

Israddedigion yn eu blwyddyn olaf yn Abertawe

Mae'r Swyddfa Derbyn yn cysylltu ag israddedigion sydd yn eu blwyddyn olaf yn Abertawe y disgwylir iddynt gyflawni gradd 2.2 neu well yn eu gwahodd i wneud cais am raglen ôl-raddedig a addysgir. Anfonir gwahoddiadau i gyfrifon e-bost Abertawe yn ystod mis Rhagfyr a mis Mawrth. Anfonir neges e-bost arall i'ch hysbysu am y canlyniad ym mis Gorffennaf. Gan fod gennym wybodaeth am eich perfformiad academaidd yn barod, Nid oes rhaid ichi ddarparu trawsgrifiad o’ch marciau hyd yn hyn. Gofynnir i chi enwebu canolwr – er na wneir cais am hyn fel arfer. Fel arfer, byddwch yn cael penderfyniad gennym o fewn dau ddiwrnod gwaith.

Gwneud cais ar-lein

Gwneud cais ar-lein yw'r ffordd gyflymaf i wneud cais a chael penderfyniad ar eich cais.

Rhestr wirio ar gyfer dogfennau:

Mae'n bosibl y ceir oedi wrth brosesu eich cais os na fyddwch wedi darparu'r dogfennau canlynol (lle y bo'n briodol):

• copïau clir o'r cymwysterau rydych wedi'u hennill, e.e. tystysgrif gradd Baglor a thrawsgrifiadau (yn dangos y pynciau a astudiwyd a'ch graddau). Os ydych yn astudio o hyd, darparwch drawsgrifiad o'ch canlyniadau hyd yn hyn
• os yw eich cymwysterau mewn iaith ar wahân i Saesneg, dylid darparu cyfieithiadau swyddogol, yn ogystal â chopïau o'r dogfennau yn eich iaith wreiddiol
• os nad Saesneg yw eich mamiaith, darparwch dystysgrif prawf iaith Saesneg cydnabyddedig an Brifysgol Abertawe (os yw'n briodol), er enghraifft IELTS.
• os ydynt ar gael, geirdaon agored/llythyrau cefnogaeth. Fel arall, darparwch fanylion eich canolwyr enwebedig gan gynnwys cyfeiriadau e-bost llawn a chywir er mwyn i'r Swyddfa Derbyn allu cysylltu â nhw'n uniongyrchol.
• copi o'ch llythyr noddi/dyfarniad ysgoloriaeth (os yw'n briodol/os yw ar gael)
• copïau o unrhyw ddogfennaeth arall i ategu eich cais, megis CV, Datganiad Personol, Portffolio (MA Ysgrifennu Creadigol, er enghraifft)

Os na allwch wneud cais ar-lein, anfonwch e-bost i postgraduate.admissions@abertawe.ac.uk

I wneud cais drwy gyfrwng y Gymraeg, cliciwch ar y tab Cymraeg.

Gall myfyrwyr rhyngwladol nad ydynt wedi bodloni'r gofynion mynediad uniongyrchol ar gyfer cwrs ôl-raddedig ddewis astudio rhaglen Cyn-Meistr yn Y Coleg, Prifysgol Abertawe, sydd wedi'i leoli ar Gampws y Bae.

Gweler ein hadran gofynion mynediad ar gyfer gwledydd penodol i gael gwybodaeth am y graddau sydd eu hangen o'ch gwlad. Gallwch hefyd edrych ar dudalen eich gwlad lle y ceir gwybodaeth am ffioedd dysgu a symud i Abertawe.

Ceir rhagor o wybodaeth yn ein Hadran Ryngwladol

Israddedigion yn eu blwyddyn olaf yn Abertawe

Mae'r Swyddfa Derbyn yn cysylltu ag israddedigion sydd yn eu blwyddyn olaf yn Abertawe y disgwylir iddynt gyflawni gradd 2.2 neu well yn eu gwahodd i wneud cais am raglen ôl-raddedig a addysgir. Anfonir gwahoddiadau i gyfrifon e-bost Abertawe yn ystod mis Rhagfyr a mis Mawrth. Anfonir neges e-bost arall i'ch hysbysu am y canlyniad ym mis Gorffennaf. Gan fod gennym wybodaeth am eich perfformiad academaidd yn barod, nid oes rhaid ichi ddarparu trawsgrifiad o’ch marciau hyd yn hyn. Gofynnir i chi enwebu canolwr – er na wneir cais am hyn fel arfer. Fel arfer, byddwch yn cael penderfyniad gennym o fewn dau ddiwrnod gwaith.

Gwneud cais ar-lein

Gwneud cais ar-lein yw'r ffordd gyflymaf i wneud cais a chael penderfyniad ar eich cais.

Rhestr wirio ar gyfer dogfennau:

Mae'n bosibl y ceir oedi wrth brosesu eich cais os na fyddwch wedi darparu'r dogfennau canlynol (lle y bo'n briodol):

• copïau clir o'r cymwysterau rydych wedi'u hennill, e.e. tystysgrif gradd Baglor a thrawsgrifiadau (yn dangos y pynciau a astudiwyd a'ch graddau). Os ydych yn astudio o hyd, darparwch drawsgrifiad o'ch canlyniadau hyd yn hyn
• os yw eich cymwysterau mewn iaith ar wahân i Saesneg, dylid darparu cyfieithiadau swyddogol, yn ogystal â chopïau o'r dogfennau yn eich iaith wreiddiol
• os nad Saesneg yw eich mamiaith, darparwch dystysgrif prawf iaith Saesneg cydnabyddedig gan Brifysgol Abertawe (os yw'n briodol), er enghraifft IELTS.
• os ydynt ar gael, geirdaon agored/llythyrau cefnogaeth. Fel arall, darparwch fanylion eich canolwyr enwebedig gan gynnwys cyfeiriadau e-bost llawn a chywir er mwyn i'r Swyddfa Derbyn allu cysylltu â nhw'n uniongyrchol.
• copi o dudalen manylion personol eich pasbort
• copi o'ch llythyr noddi/dyfarniad ysgoloriaeth (os yw'n briodol/os yw ar gael)
• copïau o unrhyw ddogfennaeth arall i ategu eich cais, megis CV, Datganiad Personol, Portffolio (MA Ysgrifennu Creadigol, er enghraifft)

Os na allwch wneud cais ar-lein, anfonwch e-bost i postgraduate.admissions@abertawe.ac.uk

I wneud cais drwy gyfrwng y Gymraeg, cliciwch ar y tab Cymraeg.

Ceir gwybodaeth fanwl ar ein tudalennau rhestr o'r cyrsiau.

Mae gradd ôl-raddedig a addysgir yn radd astudio strwythuredig sy'n cynnwys nifer o fodiwlau mewn pynciau arbenigol a all baratoi myfyriwr ar gyfer gyrfa broffesiynol benodol.

• Mae rhaglenni a addysgir wedi'u cynllunio i feithrin gwybodaeth mewn pynciau arbenigol a astudiwyd yn flaenorol ar sail fwy cyffredinol.
• Mae rhai rhaglenni Meistr yn gweithredu fel "cyrsiau cyfnewid", gan roi cyfle i fyfyrwyr newid neu ddatblygu eu maes arbenigedd o'r maes a astudiwyd ar lefel israddedig.
• Bydd ymgymryd â rhaglen a addysgir yn aml yn cynnwys mynd i ddarlithoedd a seminarau neu o bosibl weithio yn y labordy os byddwch yn ymgymryd â chwrs gwyddonol.
• Fel arfer, cewch eich asesu drwy arholiadau a thrwy aseiniadau ysgrifenedig ar ddiwedd pob modiwl. Er mwyn ennill gradd Meistr, disgwylir yn aml i fyfyrwyr gwblhau traethawd hir.
• Fel arfer, bydd graddau a addysgir yn para 1 flwyddyn yn llawn amser, neu 2/3 blynedd os byddwch yn astudio'n rhan amser

Mae gradd ymchwil yn cynnig y cyfle i fyfyrwyr ymchwilio i faes neu bwnc penodol yn fanwl.

• Mae graddau ymchwil yn canolbwyntio mwy ar astudio'n annibynnol.
• Mae elfen a addysgir yn gysylltiedig â rhai graddau ymchwil, yn arbennig graddau Meistr drwy Ymchwil (gan gynnwys EngD).
• Bydd myfyrwyr ymchwil yn cael arweiniad a chymorth gan eu goruchwylydd a'r cyfleusterau i gynnal eu gwaith ymchwil. Dylai eu gwaith ymchwil arwain at ddarn unigryw o waith sy'n cynnwys gwybodaeth newydd yn y maes pwnc a ddewiswyd ganddynt.
• Caiff myfyrwyr eu hasesu gan ddefnyddio eu thesis terfynol ac arholiad llafar (viva-voce).

Mae hyd graddau ymchwil yn amrywio. Fel arfer, caiff graddau MRes a Meistr drwy Ymchwil eu hastudio dros 1 flwyddyn yn llawn amser neu 2 flynedd yn rhan amser. Mae graddau PhD yn para o leiaf 3 blynedd yn llawn amser, neu 6 blynedd yn rhan amser.

Os ydych ar y trywydd cywir i gael 2.2 neu uwch, anfonir e-bost at eich cyfrif myfyriwr (fel arfer ym mis Rhagfyr neu fis Mawrth) yn eich gwahodd i gyflwyno cais ar-lein am gwrs meistr priodol. Ni fydd angen geirda academaidd na thrawsgrifiad o'ch marciau hyd yn hyn arnom gan fod gennym wybodaeth am eich perfformiad academaidd eisoes. Gofynnir i chi enwebu canolwr – er na wneir cais am hyn fel arfer. 

Gwneud cais ar-lein yw'r ffordd gyflymaf i wneud cais i astudio rhaglen ôl-raddedig a chael penderfyniad ar eich cais.

Dylid nodi bod gan y cyrsiau canlynol brosesau gwahanol ar gyfer cyflwyno ceisiadau:

• Diploma mewn Ymarfer Cyfreithiol (LPC)/LLM Ymarfer Cyfreithiol a Drafftio Uwch a Diploma Graddedig yn y Gyfraith (CPE) Rhaid cyflwyno ceisiadau LLAWN AMSER drwy'r Bwrdd Derbyn Canolog (CAB).
• MSc Mecaneg Gyfrifiadurol (Erasmus Mundus) Rhaid cyflwyno ceisiadau i'n sefydliad partner, Universitat Politecnica Catalunya yn Barcelona, Sbaen.
• MSc Gwaith Cymdeithasol a MBBCH Meddygaeth (i Raddedigion) Rhaid cyflwyno ceisiadau drwy UCAS.
• MA Newyddiaduraeth, Y Cyfryngau a Globaleiddio (Erasmus Mundus) Rhaid cyflwyno ceisiadau i'n sefydliad partner, Prifysgol Aarhus yn Nenmarc.

Mae gan rai Colegau ddyddiadau cau penodedig ar gyfer eu cyrsiau, gweler y rhestri o'r cyrsiau unigol am fanylion. Anogir ymgeiswyr sy'n cyflwyno cais ar gyfer cyrsiau eraill i wneud cais erbyn 31 Gorffennaf er mwyn sicrhau bod lleoedd gwag ar gael o hyd.

Gallwch weld y gofynion mynediad ar gyfer pob rhaglen ôl-raddedig ar y rhestr A i Y o raglenni Ôl-raddedig a Addysgir. Dylai ymgeiswyr o'r UE ac ymgeiswyr rhyngwladol edrych ar ein canllawiau ar gyfer gwledydd penodol. Os na allwch ddod o hyd i'r wybodaeth, neu os nad ydych yn glir ynghylch y gofynion mynediad, gallwch gysylltu â'r Swyddfa Derbyn i Ôl-raddedigion drwy e-bost postgraduate.admissions@abertawe.ac.uk neu drwy ffonio: +44 (0)1792 295358.

Cynhelir y broses gofrestru ar gyfer y rhan fwyaf o'r cyrsiau Meistr a addysgir ddiwedd mis Medi. Mae gan nifer fach o raglenni proffesiynol rhan amser ddyddiad dechrau ym mis Ionawr neu fis Mawrth – anfonwch e-bost i postgraduateadmissions@abertawe.ac.uk i gael rhagor o wybodaeth.

• Copi o'ch trawsgrifiadau academaidd presennol neu derfynol (a chyfieithiadau swyddogol, os nad ydynt yn Saesneg)
• Copi o'ch gradd Baglor a/neu Feistr (a chyfieithiadau swyddogol, os nad ydynt yn Saesneg)
• Datganiad personol yn nodi'r rhesymau pam yr hoffech ymgymryd â'r astudiaethau dan sylw
• Curriculum vitae (os ydych yn gwneud cais ar sail profiad)
• Ffurflen adroddiad prawf IELTS (os nad Saesneg yw eich mamiaith)
• Copi o dudalen manylion personol eich pasbort (ymgeiswyr nad ydynt yn dod o'r UE yn unig)

Na. Ni chaiff hyn ei dderbyn fel tystiolaeth o'ch canlyniadau. Mae angen trawsgrifiad swyddogol arnom gan eich Prifysgol, y dylech allu ei gael gan Swyddfa Academaidd/Cofrestrfa eich Prifysgol. Os mai hwn yw eich trawsgrifiad terfynol, bydd angen iddo nodi eich canlyniad cyffredinol terfynol.

Mae angen cyfieithiad swyddogol i'r Saesneg arnom o'ch dogfennau os nad ydynt wedi'u hargraffu yn Saesneg (neu Gymraeg) ar eu ffurf wreiddiol. Ni fyddwn yn gallu prosesu eich cais tan y byddwn wedi derbyn copi o'ch dogfennau gwreiddiol a chyfieithiad swyddogol ohonynt. Bydd angen y cyfieithiad gwreiddiol arnoch wrth wneud cais am eich Fisa Haen 4.

Gellir darparu geirdaon fel a ganlyn:

• Gallwch atodi llythyrau cefnogaeth "agored" i'ch ffurflen gais ar-lein; neu
• Gallwch gyflwyno manylion llawn eich canolwyr enwebedig ar eich ffurflen gais ar-lein (dylid sicrhau eich bod wedi teipio cyfeiriadau e-bost eich canolwyr yn ofalus, heb gamgymeriadau). Wedyn, bydd y Swyddfa Derbyn yn cysylltu'n uniongyrchol â'ch canolwyr drwy'r ffurflen ar-lein.
• Os byddwch yn cael cynnig sy'n amodol ar dderbyn geirda boddhaol, eich cyfrifoldeb chi fydd sicrhau y caiff unrhyw lythyrau cefnogaeth sydd eu hangen eu hanfon atom.

Ceir manylion y ffioedd dysgu ar bob tudalen cwrs ôl-raddedig unigol. Gweler hefyd ein tudalen ar y we ar ffioedd dysgu i gael gwybodaeth am sut i dalu eich ffioedd a pholisi ad-daliadau'r Brifysgol.

Oes. Ewch i'n tudalen ysgoloriaethau a bwrsariaethau ar y we.

Efallai y bydd yn bosibl eich derbyn i raglen meistr a addysgir â statws uwch ar sail modiwlau Lefel-M a astudiwyd rywle arall yn y DU yn ystod y pum mlynedd diwethaf. Dylech wneud cais gan ddefnyddio'r ffurflen gais safonol, ond gan sicrhau eich bod wedi cynnwys eich trawsgrifiadau academaidd blaenorol ynghyd â chopi o faes llafur y cwrs, gan nodi manylion eich canlyniadau dysgu a'r pwysoliadau credyd.