Darpar Fyfyrwyr, Rhieni ac Ymwelwyr

Oes! Ar hyn o bryd, rydym yn croesawu ceisiadau am y rhan fwyaf o'n cyrsiau. Serch hynny, nid yw rhai cyrsiau, megis Gwyddor Barafeddygol, yn derbyn ceisiadau mwyach. Cymerwch gip ar dudalennau'r cyrsiau israddedig neu'r cyrsiau ôl-raddedig a addysgir ar y wefan.

Rydym hefyd yn croesawu ceisiadau i wneud gwaith ymchwil. Ewch i dudalen ein rhaglenni ymchwil.

Gelli di hefyd gyflwyno cais am le ym mis Medi 2021 trwy glirio.  

Naddo. Ar gyfer cyrsiau israddedig, mae gennym gynllun gwarantu cynigion, sy'n golygu y bydd pawb sy'n cyflwyno cais yn cael cynnig (mae eithriadau yn achos rhai cyrsiau). Rydym bob amser yn hyblyg o ran cynigion, felly mae croeso i chi gysylltu os ydych yn teimlo y bydd yn anodd i chi fodloni amodau eich cynnig. Hefyd, mae gennym ni leoedd gwag ar gyrsiau trwy glirio ar gyfer mynediad yn 2021.   

Er bod mwy o fyfyrwyr wedi cyflwyno ceisiadau i'r sector prifysgolion yn y DU eleni, nid yw'r cynnydd yn ymwneud â'r myfyrwyr a wnaeth ohirio mynediad y llynedd. Mae'n deillio o gynnydd yn nifer y bobl 18 oed yn y DU, a'r ffaith bod cyfran uwch o'r rheini wedi cyflwyno ceisiadau i fynd i brifysgol eleni. Mae'n fwy cystadleuol eleni, ond rydym yn disgwyl y bydd rhai lleoedd ar gael yn ystod y cyfnod clirio. Os ydych yn pryderu am fodloni amodau eich cynnig, mae croeso i chi gysylltu â ni.

Mae gohirio mynediad yn benderfyniad personol ac ni allwn wneud y penderfyniad hwnnw ar eich rhan. Nid yw'r manteision arferol sy'n gysylltiedig â gohirio mynediad, megis cyfleoedd i gynilo arian neu i deithio, ar gael mor hawdd eleni, felly efallai y bydd yn well gennych ddechrau cam nesaf eich addysg. 

Rydym yn blaenoriaethu addysgu ar y campws lle mae'n ddiogel gwneud hynny, yn enwedig ar gyfer dysgu ymarferol a dysgu sy’n seiliedig ar sgiliau, a seminarau. Bydd rhai darlithoedd mawr yn digwydd ar-lein. Os byddwch angen unrhyw gefnogaeth gyda’ch astudiaethau, bydd cyfleoedd i gysylltu â'ch darlithwyr yn rheolaidd.

Rydym yn dilyn canllawiau cyfredol Llywodraeth Cymru, sydd ar hyn o bryd yn nodi y gallwn addysgu mewn grwpiau o 30 mewn un ystafell, neu nifer fwy mewn ystafell mewn grwpiau o 6, gyda 2 fetr yn gwahanu rhwng pob grŵp. Mae'r dull cyfunol hwn yn debygol o barhau tan yn hwyr yn 2021 ond caiff ei adolygu'n rheolaidd. Yna gobeithiwn gynnig mwy fyth o addysgu ar y campws o fis Ionawr 2022, yn amodol ar ganllawiau Llywodraeth Cymru.

Ein nod, fel ar bob adeg yw darparu profiad myfyriwr o'r radd flaenaf i bawb ac rydym yn edrych ymlaen at groesawu myfyrwyr newydd a myfyrwyr sy'n dychwelyd i'n campysau bendigedig gyda phopeth sydd gan Abertawe a de-orllewin Cymru i'w cynnig.

Bydd cymdeithasu ar y campws neu oddi ar y campws yn dilyn canllawiau cyfredol Llywodraeth Cymru. Bydd ein clybiau a’n cymdeithasau yn weithredol a bydd modd i ti wneud ffrindiau yn bersonol ac ar-lein. Mae Abertawe yn cynnig ystod anferth o weithgareddau dan do ac awyr agored gan gynnwys bywyd nos bywiog gyda’r bariau, y bwytai, a’r profiadau siopa arferol. Mae ein lleoliad yn berffaith ar gyfer chwaraeon dŵr, cerdded, rhedeg, dringo a gelli di ddewis cymryd rhan mewn nifer o chwaraeon gwahanol ym Mharc Chwaraeon Bae Abertawe a’r tu hwnt.

Edrychwn ymlaen at dy groesawu di i’r campws ym mis Medi.

Undeb Myfyrwyr Prifysgol Abertawe sy’n trefnu ochr gymdeithasol Wythnos y Glas. Mae’r undeb yn cynllunio ‘Freshtival’, sef cymysgedd o weithgareddau ar y campws ac oddi ar y campws, gan gydweithio â lleoliadau lleol a brandiau byd-eang er mwyn cynnig digwyddiadau cyffrous a nwyddau am ddim. Cynhelir y digwyddiadau rhwng 16 Medi a 26 Medi. Ceir rhagor o wybodaeth drwy fynd i wefan Undeb y Myfyrwyr.

Os ydych chi’n fyfyriwr o’r Deyrnas Unedig, disgwylir i chi fynychu gweithgareddau dysgu ar y campws megis seminarau, darlithoedd mewn grwpiau bach, sesiynau labordy, a gweithdai. Er bydd rhywfaint o’ch dysgu, megis darlithoedd mawr, ar-lein ni fydd modd i chi astudio eich cwrs cyfan ar-lein. Gallai hyn newid yn unol â newidiadau yng nghanllawiau’r Llywodraeth yn y dyfodol.

Rydyn ni’n sylweddoli bod y pandemig wedi tarfu ar dy addysg ac efallai nad wyt ti mor hyderus o ran dy sgiliau astudio. Byddwn ni’n dy wahodd i sesiwn ar-lein ‘Croeso i’r Brifysgol’ a fydd yn trafod Cyngor ar Astudio, Ymagweddau at Ddysgu yn y Brifysgol, a Chyflwyniad i Wasanaethau Cymorth. Cadwa lygad allan ar gyfer dy wahoddiad drwy e-bost gan ein Canolfan Llwyddiant Academaidd  

Os oes gennych anabledd ac os nad ydych wedi rhoi gwybod i ni amdano wrth i chi gyflwyno cais, a wnewch chi gysylltu â ni cyn gynted ag y bo modd fel y gallwn sicrhau y cewch y cymorth cywir ar ôl i chi gyrraedd. 

Os byddwch yn byw mewn neuadd breswyl, byddwch yn rhannu fflat gyda myfyrwyr eraill. Hon fydd eich aelwyd. Yn unol â chanllawiau presennol Llywodraeth Cymru, ni fydd yn rhaid i chi gadw pellter cymdeithasol a byddwch yn cael cymdeithasu â’ch gilydd. Os bydd un ohonoch yn cael symptomau Covid-19, bydd yn rhaid i chi hunanynysu gyda'ch gilydd. Os byddwch yn byw mewn llety preifat, fel arfer tŷ a rennir, hwnnw fydd eich aelwyd.

Gallwch gyflwyno cais am lety cyn gynted ag y byddwn yn rhoi rhif myfyriwr i chi. Ewch i'r dudalen llety i gael yr holl fanylion ynghylch sut i gyflwyno cais. Argymhellwn yn gryf dy fod yn cyflwyno cais cyn gynted â phosib i roi’r siawns orau bosibl i sicrhau llety ar y campws o’th ddewis.  

Bydd tîm ein Gwasanaethau Preswyl yn cysylltu â chi cyn bo hir ynghylch dyddiadau symud i mewn. A wnewch chi fynd i’r dudalen Symud i Mewn i gael rhagor o wybodaeth.

Bydd angen i chi hunanynysu yn eich llety gydag aelodau eraill eich aelwyd. Bydd y Brifysgol yn cynnig cymorth o ran bwyd, golchi dillad a lles os bydd yn rhaid i chi hunanynysu neu os byddwch yn dal Covid-19.

Mae'r Brifysgol wedi bod yn dilyn canllawiau Llywodraeth Cymru ers mwy na blwyddyn. Ceir systemau unffordd, cyfleusterau diheintio dwylo ac arwyddion cadw pellter cymdeithasol ar y campysau. Rydym yn rhoi cymorth i fyfyrwyr sy'n gorfod hunanynysu neu sy'n dioddef o Covid-19. Rydym hefyd yn disgwyl i'n myfyrwyr gadw ei gilydd yn ddiogel drwy ddilyn canllawiau presennol Llywodraeth Cymru. 

Rydym wedi bod yn cynnig profion llif unffordd ar gampws i fyfyrwyr. Rydym yn credu y bydd hyn yn parhau pan fyddwch yn cyrraedd ym mis Medi, a byddwn yn rhoi gwybod i chi'n agosach at yr amser hwnnw sut i drefnu prawf.

Rydym yn disgwyl y bydd rhai myfyrwyr wedi cael o leiaf un brechiad cyn iddynt gyrraedd a byddwn yn eich galluogi i gael brechiad cyntaf neu ail frechiad ar ôl i chi gyrraedd. Byddwn yn rhoi gwybod i chi am y trefniadau'n agosach at yr amser hwnnw. Rydym yn annog pob myfyriwr i gael ei frechu.

Mae Prifysgol Abertawe'n falch o'r ffordd rydym yn cefnogi lles ein myfyrwyr. Yn ddiweddar, rydym wedi buddsoddi mwy yn ein gwasanaeth cefnogi iechyd meddwl ac mae prifysgolion wedi cael peth cyllid ychwanegol eleni er mwyn cefnogi myfyrwyr. Rydym hefyd yn cynnig y gwasanaeth iechyd meddwl digidol Togetherall. 

Rydym yn sylweddoli y tarfwyd ar addysg myfyrwyr ac efallai na fyddant yn teimlo'n hyderus yn eu gwybodaeth am eu pwnc neu yn eu sgiliau astudio. Peidiwch â phoeni. Gall ein Canolfan Llwyddiant Academaidd gynnig cymorth ychwanegol a bydd y darlithwyr ar eich pwnc yn gwerthuso eich gwybodaeth ac yn eich helpu i gyrraedd y safon briodol ar ôl i chi gyrraedd. 

Os byddwch yn cael problemau ariannol, bydd ein tîm Arian@BywydCampws ar gael i gynnig cyngor a chymorth. Mae gennym gronfa galedi ar gyfer myfyrwyr os bydd ei hangen arnoch. Rydym hefyd yn cynnig cymorth ychwanegol i bobl sydd wedi gadael gofal ac mae gennym gynllun Myfyriwr+ ar gyfer myfyrwyr sy'n rhieni, sy'n ofalwyr, sydd wedi ymddieithrio oddi wrth eu teuluoedd neu sydd wedi gadael gofal.

Mae aelodau ein tîm BywydCampws yn cynnig pob math o gymorth ac maent ar gael i'ch helpu. Gallant eich cyfeirio i'r gwasanaeth y mae ei angen arnoch. Hefyd, gallwch fanteisio ar gymorth Undeb y Myfyrwyr. 

rydym yn cynnal digwyddiadau rhithwir yn rheolaidd. ewch i dudalennau ein diwrnodau agored (israddedig neu ôl-raddedig) i gael manylion y digwyddiad nesaf. bydd cyfle i chi ofyn cwestiynau am eich pwnc, llety, cael gwaith, a chwaraeon, ac i gymryd rhan mewn gweminarau byw gyda'n myfyrwyr a'n hacademyddion. 

Byddwn ni’n cynnal sgwrs ar y campws a theithiau tywys ar gyfer deiliaid cynnig clirio ym mis Awst. Byddi di’n derbyn gwahoddiad i gofrestru ar gyfer un o’r rhain os wyt ti wedi derbyn cynnig trwy glirio. Os wyt ti’n cyflwyno cais am fynediad yn 2022, gobeithiwn y gallwn gynnig diwrnodau agored ar y campws yn hwyrach yn y flwyddyn.   

Oes – gallwn ganiatáu ymweliadau gan ysgolion at ddibenion nifer o weithgareddau gwahanol. A wnewch chi gysylltu â ni i gael rhagor o wybodaeth.

Hoffem gael cyfle i ymweld ag ysgolion a chwrdd â phobl, ond nid yw'n bosib ar hyn o bryd. Mae gennym nifer o adnoddau ar-lein y gall athrawon eu rhannu gyda'u myfyrwyr, sy'n trafod manteision addysg uwch, sut i ysgrifennu datganiad personol, a phroses UCAS.